test.yue.txt

呢架遙控車識得爬牆，又真係幾盞鬼喎。
部手機屎唔屎啲呀，用兩吓就壞咗。
我喺個好逼嘅商場入便俾人打荷包。
喺咁多見工嘅人裏面，佢一枝獨秀，係難得嘅人材。
最近有人搞咗個「全球微笑指數」調查，香港包尾，再一次證明香港人工作壓力真係好大。
意外之後，佢哋嘗試爬出巴士外面。
華民政務司署係民政事務局嘅前身。
點解我會咁容易被識穿？CK個老狐狸，根本就好似知道我嘅企圖係點。
個勾唔夠力㗎，唔好掛件大褸上去。
晚清時期，中國陷入喪權辱國嘅地步。
過咗咁耐我都係冇辦法忘記佢嘅歡笑。
我唔應承就要「被辭職」，咁你即係大石砸死蟹啫。
今年奧運有好多後起之秀攞金牌。
佢貼呢篇係潮文嚟，你咁真心回應做乜？
佢竟然可以漏咗個仔喺巴士度，簡直不可理喻。
你年紀輕輕已經咁幫得手，果然係人才！
個歌手俾公司雪藏咗兩年，冇出過新碟。
你都唔熟條河嘅水性，咪亂嚟啊！
資本家自古以嚟都中意剝削工人。
我而家飽到上心口，行步路都要慢慢嚟。
個出口俾啲差人閘住晒，我出唔到去。
嗰個人衰人嚟㗎，大個唔好好似佢咁呀。
皮具要好好打理，唔係好易發霉。
我飲咗八杯啤酒，而家個肚𠺘下𠺘下好辛苦。
你出開街就順便買定枝豉油看門口吖。
雖然已經過咗五年，但係當年會考放榜嘅一刻我都仲係記憶猶新。
佢即刻又走上馬路，強制自己不慌不忙，安步當車噉向前行。
朗誦比賽參賽者嘅抑揚頓挫好誇張。
高雄去台南，即日往還，交通應該點安排最理想呢？
究竟邊啲學校已經有聲氣會全面復課？
面壁思過可能唔係一種好嘅教育方法。
你估下個女到幾大就唔再拖住你隻手行街吖嗱？
公司改組咗之後，我就俾人炒咗喇。
正常人都有十隻手指、十隻腳趾。
你咁多人出晒嚟捕佢，好容易打草驚蛇個喎。
佢下個月會喺日本出席一個研討會。
頂，交成萬蚊管理費都成日停電。
呢個電視台又欠牌費又欠糧，執柒咗佢啦！
我同你咁耐兄弟，點解你要煮死我？
今晚演出嘅粵劇劇目係《白兔會》。
個劫匪見受害人唔肯就範，就向佢開咗一槍。
一放暑假佢就掛住玩，將啲暑期作業置諸不理。
呢度唔停得車，我去打個框再返嚟啦。
你要註冊咗先可以成為正式嘅社會工作者。
每年農曆三月廿三，元朗都會有天后誕巡遊。
唔好大安旨意唔使温書，聽講今次考試好難。
佢份人淨係得小聰明，唔成大器。
你唔使自己攬晒上身，我哋都會去自首。
你唔識尊重自己，人哋先會侮辱你。
今次個風來勢洶洶咁，大家要做好防風準備。
你真係一言驚醒夢中人啊！點解我唔直接叫阿明約佢呢？佢兩個識加嘛！
有啲歌星會上某啲討論區同網民互動。
佢退休之後足不出户，專心寫書。
你做咩頭耷耷啊？係咪有咩唔開心？
多謝呢位小姐提出咗呢個咁有趣嘅講法。
野生靈芝嘅藥用價值好高，所以價錢好貴。
嘩，你啲嘢積埋積埋成座山咁高，執下佢好喎。
個頭箍太細，我隻耳仔後面嗰個位戴住頭箍嗰陣會有啲痛。
佢已經好煩㗎嚹，俾佢清靜吓喇。
呢種噉透氣嘅布料就最啱用嚟做夏天衫㗎喇。
張餐牌啲相影得咁核突，真係好趕客。
成績好嘅學生先可以申請到獎學金。
俾人蝦就一定要出聲為自己爭口氣！
嚴刑峻法日增，人民只會日益乖離。
出完街返屋企一定要洗手，洗走啲細菌。
你哋拍咗拖咁耐，係時候見家長喇。
佢問我借左幾次錢，前前後後總數係七千蚊。
佢攰到唔理三七廿一，返到屋企就即刻瞓覺。
呢啲小生意，開間細公司，打單泡喺屋企做都得啦。
我哋下一場波再唔轉戰術實輸㗎喇。
佢舉咗鐵幾個月，骨感冇曬，個人厚咗。
食蛋糕嘅時候，最好就係加杯齋啡。
我抽到兩張慈善拳賽嘅入場券，有冇興趣一齊睇？
佢哋一見到記者就急急腳噉走咗。
個老伯伯揾唔到工，只可以靠拾荒為生。
你去到外國人生路不熟，要事事小心。
嘩咁玻璃心嘅你，講少少嘢就咁敏感。
你真係好嘢，一出手問題就迎刃而解。
電話開頭打「133」就唔會有來電顯示。
哎唷，冇晒朱古力餅食嗱？慘慘囉，冇得食。
可唔可以拜託你幫我睇住個小朋友啊？
典體完畢之後請各位嘉賓留低影張大合照。
馬鞍山三寶係鐵礦、杜鵑同埋黃麖。
情緒病好影響一個人嘅日常生活。
為咗照顧家庭，瑪麗決定辭職唔做嚹。
佢好識利用身邊嘅人去達到目的。
隔籬屋個細路好似病病哋，可能要飲肥仔水先得。
佢寫文章時鍾意用好難嘅詞，真係故作高深。
佢最後淪落到呢個境地，都係自己攞嚟。
我哋呢間酒店會令你有賓至如歸嘅感覺。
你唔好成日寒背啦，對腰骨唔好㗎。
你做完手術個肚都仲未埋口，好心就唔好走嚟走去啦。
你俾個機會我將功贖罪啦，我今次一定會成功㗎。
呢度啲保安睇得好緊，冇得篤鼻哥㗎。
大件事！俾人山寨咗我哋個產品，依家網上有得賣喇。
佢做過好多份工，但總係一事無成。
用1比99嘅漂白水消毒，咁先乾淨㗎。
呢隊樂隊會喺香港舉行兩場表演。
嗰啲暴發户財大氣粗，但係就唔識上流社會嘅禮儀。
班廢老終日無所事事，至叻就係批鬥啲後生仔。
法官考慮被告嘅精神狀況之後，決定減刑，由三年改為一年。
大家睇過舞獅，都一定會留意到個笑哈哈嘅大頭佛！
呢部吸塵機吸力超勁，老鼠都吸到入去。
中咗會有好多錢㗎喎，即管試下啦。
我哋已經認定咗大家，諗住同對方過人世㗎喇。
佢哋兩個打交掟爛晒啲砂煲罌罉。
運動員跳完水之後沖熱水，保持身體温度，令肌肉唔會繃緊。
我女朋友好鍾意狗仔，佢自己都養咗兩隻。
呢個女演員幾襟睇，出道多年仲係咁靚。
呢支牙刷睇落乾淨，但係暗藏邋遢！
佢寫嘅書評將本書同社會議題扣連埋一齊。
佢係我表姨媽嘅女，我同佢好疏㗎咋。
聽日背默課文，各位同學記得温書。
你FF少陣啦，你咁嘅樣又邊會有女呀？
上層可以睇得再遠啲，不過要另外收費。
好心你就自動自覺，食完飯拎啲碗入廚房啦！
如果你係油耳要定期洗耳窿，糠耳就唔使。
我求其放咗隻錶喺某個地方，冇留意喺邊度。
我哋放假去咗旅行，俾人入屋爆竊，搞到間屋立立亂。
咁多人嚟睇呢齣舞台劇，一定好好睇喇！
我哋都係行街呀，食飯呀，睇戲呀噉囉。
作者將人物性格刻畫得活靈活現。
係時候處理一路積存仲未完成嘅工作喇。
個Project咁簡單做乜揼長嚟做？想呃鐘錢？
你明係鍾意個女仔架啦。趣趣地認咗佢啦！
差少少就攞第三，依家梗頸四，好唔抵！
佢啲成績好平均，冇話邊科特別好。
個伴娘靚得滯，喧賓奪主，搞到新娘好似好樣衰噉。
細路仔龍精虎猛紮紮跳先正常加嘛。
你今日見board唔使緊張㗎，做好自己就得㗎喇。
甲：「今晚食咩？」乙：「我跟大隊啦。」
佢對呢個提議半信半疑，但係我就非常之有信心。
喺呢個懸崖上面，你可以睇到一望無際嘅海洋。
睇佢瓜子口面，點知原來下身咁肥。
政府嘅社會福利好咗，反而令無業遊民增加咗。
原子彈爆炸會產生蘑菇形狀嘅雲。
佢年年都捐好多錢俾香港公益金。
你係局內人喎，我唔信你唔清楚成件事係點囉。
你唔好諗住自己生得高大就可以恃強凌弱。
今日天氣真係好喇，順風順水到達目的地。
嗰個殺人犯今日係東區法院過堂。
屍體開始腐化，睇嚟已經死咗一段時間。
如果藥石亂投，咁不如乜都唔好做啦！
一班義工組織咗一個長者探訪團。
嗱，撞親嘞。係咪曳呢？咁貪玩！
為咗安全起見，公眾應該停止使用呢啲唔安全嘅產品。
聖經話阿當同夏娃係人類嘅始祖。
我實在冇錢還畀大耳窿，所以將我啲古董畀咗佢哋去填數。
今次攞獎係僥倖嘅啫，講唱功點夠你勁！
緊急服務隊伍抱住救急扶危嘅宗旨。
我哋要力爭上游，唔好令支持者失望。
佢呢排肥咗，要加大碼先着得落。
你放心喎，我哋老大牙齒當金使，佢話俾你上位佢一定會。
扚起心肝約女神，偏偏佳人有約……
香港今年已經受到四個颱風侵襲。
洪水嚟得好快，轉眼就沖走晒啲牲畜。
都係你有先見之明，好早就買定口罩。
好多人因為自身嘅經濟利益而噤聲。
我最近背痛。可唔可以幫我擦背？
呢份工好受歡迎，申請人數好多。
佢已經四十歲人，仲係光棍一條。
就住呢次事件，我哋有噉嘅睇法。
我哋今日去咗探訪老人院，同班老友記傾偈。
呢個音樂會好好聽，但係美中不足嘅地方就係太短。
呢個女人蛇蠍心腸，害死佢老公。
你心入面想揀咩先？而家拖拖拉拉算點先？
對於唱歌嘅人嚟講，聲帶就係佢哋嘅樂器。
我漏咗銀包喺屋企，而家仲喺酒樓坐緊茶監呀。
我邊有是非纏身？係有啲本土怪對我念念不忘啫，但係我當佢哋係蛋散。
我做得好地地，你就䟕隻腳落嚟搞亂檔！
地價都已經咁貴，啲單位起成之後都唔慌平。
今餐飯253.2，零頭唔計，我哋五個人每人50蚊啦。
我個harddisk有500GB。
以前我細個嗰陣，啲筆盒實淨得嚟又有機關，拎返學好威㗎！
官員同傳媒茶敍，提到處理近日示威嘅手法。
政府幾年就換一次泊車咪錶，簡直係勞民傷財！
我永遠都會記得嗰次喺森林嘅冒險。
警察假扮買家，毒販果然中計，交易嘅時候被警方拘捕。
好耐冇見！點解你個樣變到噉嘅？
佢哋兩個嘅命運交織出熾熱嘅愛情。
寫人哋個名一定要用大階開頭，寫細階係好無禮貌㗎。
佢係基層出身，靠自己努力開到間公司。
人哋出雞，你淨係出豉油咋，呢單交易抵到爛啦！
嘩，個花旦仔唱到噉，冇牙婆穿針喎。
好多偉人都可以做我哋做人嘅模範。
我以前同佢係鄰居，睇住佢大㗎！
我哋要以勝不驕、敗不餒嘅精神，參與呢場比賽。
佢呢套服裝徹底顛覆咗佢過往嘅形象。
我真係覺得自己好垃圾，垃圾到冇人有。
頭先世界盃直播嗰陣，個講波佬無端端同隻能量飲品賣告白。
我做事就不嬲好公正嘅，唔會偏幫任何人。
毒男阿松自從唔見咗啲萌娘公仔之後就變到失魂落魄咁。
呢條友都出嚟選立法會議員？笑大人個口啦！
芒果班戟又平又好食，不過啲忌廉勁肥。
活動一完，佢地成班宅男就自然聚埋一齊交流心得，真係物以類聚。
我買咗啲雜誌喺醫院度消遣，等住院嘅時候冇咁悶。
敵在明，我在暗，可以突襲佢喇。
你個衰仔，做乜咁耐唔揾我？呢排幾好嗎？
佢架車打咗柴，所以佢諗住買過部新嘅。
海洋公園個鬼屋好無聊囉，一啲都唔驚囉。
比起單反，我想要一部小巧嘅相機。
我三點度係噉意食咗啲嘢，跟住又要開工喇。
嗱，你一筆還一筆，貪污還貪污，外遇還外遇，唔好將兩樣嘢撈埋嚟講。
你去咗邊啊？我等你等咗幾粒鐘喇！
孔雀求偶嗰陣會張開佢哋個屏，好似男人求偶嗰陣會露肌肉噉。
經濟內外受壓，好多舖頭同公司都關門大吉。
大腸癌好多時都係由瘜肉開始，一步一步咁變大變差；由於呢個過程相當緩慢，我哋可以透過各種各樣嘅方法，喺變成癌症之前，檢查出大腸裏面嘅病變，而其中一個最普遍嘅方法就係做大便隱血測試。
老實講，今次贏到比賽真係全靠你！
宜家傢俬1折優惠吸引咗好多人去排隊。
呢位候選人所得票數只不過係六百幾票，都可以成功當選。
我唔叻度橋，我都係唔主修市場學喇。
我唔同你捉棋喇，次次都係你贏，都唔好玩嘅。
阿明開創咗一樣新嘅人工智能軟件，仲靠開公司賣嗰樣嘢做咗新進企業家。
DNA檢驗報告印証咗佢哋嘅父子關係。
見親你都冇好帶挈，今次又想點呀？
呢間酒樓啲枱擺得太密，客人坐得唔舒服。
今晚事頭請食飯喎，你嚟唔嚟呀？
你再唔做功課，信唔信我將你藤條炆豬肉吖嗱？
上次我拜托你做嗰啲嘢，唔該晒呀！
法官話：「證人，請你回答問題。」
師傅換咗電視機入面塊電路板，收成二千蚊，真係昆水！
你個鬧鐘響咗一個鐘喇，唔好咁爛瞓啦！
單憑幾句閒言閒語，點可能動搖到我提拔下屬嘅決心？
今次運動會旨在籌善款，請大家踴躍參與。
以下嘅話劇係由我哋嘅學生自編自導自演。
而家啲學校好鍾意叫啲學生背默。
佢係同佢條前仔散咗先同我一齊嘅。
考試作文最好識得拋吓書包，評卷員自然會對你有好印象啦！
要問下人哋想唔想先，唔可以監粗嚟。
我哋唔應該姑息損害公眾利益、威脅市民安危嘅暴力。
你哋想打交？咁我喺度食花生啦。
你塊面出晒暗瘡，使唔使食啲藥啊？
每日香港時間中午12點，銅鑼灣避風塘岸邊都會鳴放禮炮。
日本化妝品品牌次次嚟香港開專櫃都實會大排長龍。
超過兩成入口牛肉都染有瘋牛症病毒。
佢喺班上面好活躍，會成日答老師啲問題。
老婆每個月淨係俾五百蚊零用我。
難得我哋幾個咁啱傾，今晚一於飲到不醉無歸！
佢平日冇病冇痛，好地地點解會突然死咗㗎！
甲：「呢個項目由你負責得唔得？」乙：「哦，好囉⋯」
公司冇利潤，老闆要貼錢出糧俾我哋。
你肯入嚟我公司做，我俾一年100日假你，唔好再推搪喇。
「粵典」係一本講粵語嘅人可以用嚟學外語、其他地方嘅人又可以用嚟學粵語嘅字典。
揀科應該因應自己嘅能力同興趣，唔應該跟紅頂白咁盲目。
請允許在下向皇上奉上我哋嘅地方特產。
你係噉送嘢食嚟，係咪想槽肥我啊？
條褲顏色太鮮豔，仲有好多存貨未賣。
我唔小心將啲文件碎咗，今次認真杰撻撻喇！
兜咗咁多個圈，架飛機終於起飛喇。
如果你唔滿意公司嘅制度，就唯有請你另謀高就。
如果呢，我呢，即係呢，而家又覺得呢，唔係好想去，你唔會怪我㗎嗬？
睇下佢，塊面肥嘟嘟幾得意！我好想錫佢一啖呀！
做得唔開心咪揾過份工囉，東家唔打打西家啫。
我以為今晚食自助餐，等我仲專登唔食嘢添！
甲：「唔該晒你呀！」乙：「乜説話吖，舉手之勞啫。」
你係噉使錢，遲早俾你用晒啲錢！
暴虐嘅獨裁者係唔可能震懾得到英勇嘅人們。
「呢道有咁多隻色嘅衫，你要邊隻？」「是但啦。」
凡事睇好嘅一面，做人樂觀啲，就會開心啲。
我聽講嗰個人成日𥄫隔籬屋個女仔㗎！
注意力唔夠嘅小朋友，未必鍾意坐定定上堂。
我嗰個揸的士嘅阿叔早兩個月釘咗牌，家吓冇錢開飯。
間屋設計以實用為主，裝修好樸實。
你到左樓下就發個輪俾我，我嚟接你。
修端喺網上買完玩具，尋日特登留喺屋企等收貨。
恭喜王太！息都抱埋，真係好福氣咯。
人哋有財有勢，要對付你易如反掌啦。
如果個老公要你倒貼，噉不如唔嫁！
嗰陣你諗咁耐都唔去買，依家想買結果又賣晒，真係「落筆打三更」，唔得當機立斷。
行完二百六十八級樓梯上大佛，阿梅上氣唔接下氣。
搞到咁大件事，我諗都係冇得掹㗎喇。
比賽唔到三分鐘，佢就踢入當日第一粒波，跟住又喺15分鐘、31分鐘再入兩球，上演「帽子戲法」。
阿嫲換咗髖關節之後行得好咗好多。
想俾幾多錢都冇所謂，隨心就得。
搞個生日會啫，唔駛咁勞師動眾！
最好一年做一次body check。
佢好抵得諗㗎，成日都幫我哋做嘢㗎。
我以前唔肯努力，而家咪搞到咁囉。
喺太平山頂可以俯瞰成個維多利亞港。
冚世界都走晒，你做咩仲喺度呀？
寫論文嘅時候，如果要提起人哋講過嘅嘢，就一定要加出處。
而家食紅肉又話致癌，飲熱茶又話致癌，咁乜都唔食煉仙好過啦？
筆者認為，該數據唔能夠證明兩者間嘅因果關係，只能夠説明數字彼此有比例上嘅關聯。
而家啲細路好多才多藝㗎，又識拉小提琴，又識跳芭蕾舞，仲精通兩文三語，問你死未。
今日新分店開幕，總經理親自嚟坐鎮。
為咗養大小朋友，好多父母都捨棄咗自己嘅理想。
好多賊會用聲東擊西嘅方法偷嘢。
最近個股市升得咁急，大家睇路呀！
施政報告喺環保課題度落咗唔少筆墨。
你竟然噉對我？我永遠都唔會原諒你。
呢區有三個空降候選人，競選區議員。
爭取加薪嘅工人已經罷咗工一個星期。
米埔係香港最著名嘅濕地，每年都有好多候鳥飛嚟休息同揾嘢食。
維護法紀需要道歉，係天方夜談。
樓下好似有明星唱歌，場面好墟冚。
觀棋不語真君子，旁觀者不得𪘲牙聳䚗(依牙鬆鋼)。
我用緊個電子磅可以駁手機app。
佢聽完嗰個消息之後，興奮到瞓唔着覺。
反黑組而家偵查緊黑幫販毒活動。
我儲夠錢就會upgrade部電腦。
最近股價大升，啲錢好似執豆噉執呀！
佢聽到個消息之後，身體不由自主噉喺度震。
個律師個個問題都咁尖鋭，分明就係想鋤死個犯。
一有打乞嚏流鼻水，梗係即時啪返粒維他命C啦。
有啲公司會用營業額嚟評定員工嘅價值。
而家仲邊有人玩跳舞機㗎？個個都玩洗衣機啦。
咁大個電話喺枱面你都見唔到，你發雞盲呀。
呢部電話好流喎，用咗三個月就壞。
你同我從此以後各行各路，河水不犯井水，你唔好再干預我嘅生活，我亦都唔會再干預你做嘅所有嘢。
佢咁嬲，會唔會喺老闆面前爆大鑊㗎？
你都冇落鞋油，唔怪得對鞋唔令。
我都估唔到佢做嘢咁邋遢，踩住人上位都有嘅。
我唔係冇試過，但係真係同佢唔啱傾囉。
要融入一個社交群體，難免會變得虛偽。
呢個難堪嘅局面就等我嚟應付啦。
大佬頭先打電話嚟，今晚要同人開片，快啲去攞架撐。
佢做兩做就眈天望地，咪簡單嘢都做咁耐囉。
每次返鄉下都令我記起童年嘅生活。
你叫佢早啲起身，等於要佢條命。
佢咁勢利，點會同我哋啲窮人做朋友啊！
張form漏咗幅相，而家補交返。
今次係你嘅錯，你要承擔返責任。
個女仔睇落細細粒，原來係大腳八。
分咗手仲係噉揾人，個畫面好核突。
自沙士以來，香港嘅樓價一直都冇跌過。
好吖，你做初一我做十五，一於同你開拖！
今日籌到嘅款項將會悉數撥入慈善基金。
睇完戲成班朋友去咗打冷，所以好夜先返屋企。
佢份人倔雷搥，所以喺公司冇朋友。
每個人總會有啲缺點，呢個世界係冇白馬王子㗎！
你再響度嘰嘰趷趷，我就打你一身。
知道公公安然無恙，我哋個心都安樂啲。
個殺人犯親手終結咗佢妹妹嘅性命。
佢因為販毒，俾人判咗終身監禁。
本書今日先正式出，不過我喺書局打工，所以之前一晚已經偷步睇咗。
你睇吓阿明，佢就咁一拳就打到阿松飛咗出擂台，真係同拳王阿里有得揮！
阿松帶咗個浮力勁嘅水泡，話噉就唔驚浸親喎。
佢呢啲百萬富豪打跛腳唔使憂，梗係講得出啲咩金錢唔係萬能呢啲咁奢侈嘅豪言啦。
佢殺人之後，自己走去警署自首。
你嗰份正一風流工嚟，鍾意返工就返工，鍾意放假就放假。
呢度太耐冇落雨，啲花都枯萎晒。
約你五點，你啱啱五點就到，好準時喎。
阿明遺傳咗佢老豆嘅身形，所以好大份。
我係過來人，現身説法可以幫助到好多人戒毒。
中學畢業之後，佢唔去揾工，成日遊手好閒。
佢讀建築，啱啱讀完碩士出嚟做嘢，月入已經四萬。
你明知佢係咁衰嘅，你都仲信佢？
老細叫你做，你都要硬食㗎喇，冇得你揀。
呢個單位市價三千萬，你唔會買得起㗎喇。
黑社會係三合會嘅其中一個俗稱。
我由前年開始儲錢，到而家都未買得起架車。
呢幾部𨋢成日飛𨋢，行樓梯好過。
個男人睇落咁陰險，你要小心啲佢呀！
賊人趁住户主返工，乘虛而入，偷走咗好多貴重物品。
我同佢已經拍咗兩年拖，但係手仔都未掂過呀。
為反對政府徵收銷售税，商户紛紛罷市抗議。
佢三歲嗰時得咗場大病，自此就聾咗喇。
我個廚房唔夠地方裝個洗碗碟機。
打埋呢舖牌就埋數，睇下大家贏幾多輸幾多先！
群眾覺得佢講嘢頭頭是道，但其實只係佢騙術高明。
有時冇點打書釘就買咗返屋企，之後先發現中伏，所以以後我都要打咗一半書釘先買。
佢話喺呢度見過鬼喎，講到似層層噉。
將果汁倒落個模再放喺冰格40分鐘，你就會有枝果汁雪條。
我認得佢，佢個名好似叫陳咩文。
請各位慷慨解囊，為公益出一分力。
呢件文物係第一次喺國外展出嘅。
政府啱先舉行咗祭祀國殤典禮，向為國捐軀嘅士兵致上哀悼嘅思念。
我升咗雞仔餅唔使行咇㗎喇，不過有時都會出去辣更嘅。
呢個湯底好辣㗎噃，佢會唔會受唔到㗎？
阿松佢咁姐手姐腳，好難要佢親身拍嗰段戲㗎喎。阿明身手好好多，揾佢做替身拍啦。
佢哋兩個嘅實力相當，打得難分難解。
因為航空公司整爛咗你隻喼，保險公司會賠償你嘅損失。
我行完花市口行行咁，不如去篤串魚蛋食。
你又唔係女人，點可以相提並論呢？
斯巴達係古希臘以驍勇善戰聞名嘅城邦。
委員會當場拆穿佢嘅謊言。佢氣急敗壞哋離開咗會場。
乜你著到咁烏搲㗎？今晚去飲喎。
個病人啲血管硬晒，好難抽血喎。
啲闊太去親呢啲場合，都係鬥曬名牌衫同名牌袋咋嘛。
睇咗咁多個中醫，終於揾到個有料到嘅，飲一次藥啲咳就斷尾。
佢係靠響鄉下蝦蝦霸霸、巧取豪奪而致富，極其量只係一個土豪。
而家香港地百物騰貴，衣食住行夾夾埋埋真係做兩份工都畀唔起。
嚿燒肉愛嚟拜神㗎！唔好偷食呀！
爸爸買咗部新嘅智能電話，摸索緊點自拍。
無論係司機定係乘客都要配戴安全帶。
用膽嘅收音機依家已經係古董嘢。
病到hee hee hur hur咁就休息下啦，仲返工？
個摩打有條活塞爆咗，揾個師傅嚟整整佢。
佢年幼嘅時候，父母就先後去世。
成個體制都咁腐敗，六月飛霜又有咩出奇吖？
我今朝搭的士，攋低咗部手機喺車度𠻹。
遇到錯折應該多加反省，唔應該怨天尤人。
你食咗春藥呀，今日咁鬼鹹濕嘅？
你咪睇小賣魚蛋個阿叔呀，佢呢檔嘢發過豬蹄㗎！
我呢排好黑仔，行路打倒褪，都係唔好投資住喇。
佢失業之後淨係靠兼職生活，每個月都入不敷支。
呢部手機好虧，用咗兩個月就壞咗。
原本個企劃好地地嘅，依家你一隻腳䟕埋嚟扠喎晒喇！
唔好意思，阻咗你咁耐，我走喇。
我哋而家應該放低私人恩怨，解決目前嘅問題先。
賢仔同佢細佬啱啱先鬧完交嚟，一個屈尾十兩兄弟又一齊玩返。
話晒都係屋企人，佢會幫手都係合情合理嘅。
嗰個靚女係攣㗎，你唔會溝到佢㗎喇。
我公司真係好鬼cheap，叫我去上海出trip，但係唔包保險！
你同我啲噉嘅人一齊，最後只會分手。
屋企裏面有四個細路仔，真係冇時安寧㗎。
我嘅當事人係唔會回應有關失實指控。
星期六喺海灘坐喺度睇書，真係賞心樂事。
啲錢留番喺我七老八十嗰陣養老㗎。
閃電擊斃323頭馴鹿，挪威國家公園屍橫遍野。
我咁窮仲成日叫我一齊行街，損友嚟㗎你！
我入咗十箱即食麪，就算封城一個月都唔怕餓親。
頭先搭地鐵有個阿毛鬧我坐關愛座，明明側邊仲有咁多位，佢想坐咪坐嗰啲囉。
群眾喺政府總部外面聚集，抗議政府加税。
又話今日唔使上堂，俾佢伏咗添。
好多年青人都唔想打工，想試下用小本創業。
計返通脹，每部磁碟機嘅價錢相當於今日一部PS4。
唔該幫我scan咗呢啲文件佢。
冬天好多女仔都鍾意著boot。
河南愛滋村嘅村民係喺賣血過程中受感染。
而家法例收緊咗，喺自己辦公室都唔食得煙喇。
中英數事但一科唔合格，都好難揾到學校收。
「連門你都識整！？」「碎料啦。」
你睇我又肥又矮，選港姐我實冇行。
揸車記得戴返免提，揸緊車嗰時揸住部電話嚟傾係犯法㗎。
係我殺咗你大佬，你搞我好喇，禍不及妻兒，唔好搞我屋企人。
今日都係帶埋把遮出街，以防萬一落雨。
消防員勇敢救人嘅精神值得仿效。
武漢肺炎肆虐，個個都匿埋喺屋企唔敢出街。
我專登搭咗個半鐘頭車去探佢，點知佢出咗街。
咁大個黑眼圈，噚晚冇覺好瞓呀？
阿媽買畀我啲衫都唔入流嘅，好核突啊！
佢娶咗老闆個女，事業當然扶搖直上啦。
佢個笑容深深咁印喺我腦海入面。
歐美喺氣候變化嘅議題上出現分歧。
跌咗落地啫，咪執返嚟食囉，唔使驚嘅。大菌食細菌吖嘛！
你身邊好多妖孽，自己好自為之。
你講嘢咁快，我follow唔到。
雄性嘅獅子同雌性嘅樣完全唔同。
政府根據一啲數據嚟推測來年嘅經濟增長。
你連乘數表都唔識，你讀屎片㗎？
佢生得細粒，個樣好似唔夠秤噉。
逢星期五，好多人放咗工都會出街玩。
佢考試嗰陣大模斯樣咁偷睇隔籬位。
一名警員遭到匪徒襲擊，失去配槍。
我哋公司自成立以來一直稱霸保險業。
紂王係一個中國歷史上出名淫靡嘅皇帝。
我入咗中大lu，唔使再考DSE。
佢份人冇乜存在感，所以成日貼啲怪相引人注意。
你可唔可以唔好成日zip呀，吓！
你幫我挑啲綠豆出來，唔要黃豆。
我希望第時可以買一間大屋俾阿爸阿媽住。
呢間鋪頭賣枕頭、牀單、被褥諸如此類嘅嘢。
今次獎券活動嘅收益將會撥歸慈善用途。
佢失咗業成年，依家終於揾到份公職。
出面隻蟬叫得好大聲，整走佢啦！
佢見隔籬鋪做老翻生意賺到盆滿缽滿，所以打算照辦煮碗，分一杯羹。
阿爸阿媽出trip，我就冇王管喇，我夜啲返屋企都得！
啲狗識得掘窿埋好啲骨頭遲啲食。
佢夜晚成日反瞓㗎，有時起身嗰陣個頭會去咗第二邊。
呢次選美不過係一個鬧劇，其實一早已經內定晒邊個攞獎。
佢凡事親力親為，絕唔會假手於人。
唔該，可摸以起一起身俾我過呀？
呢幾日啲天氣唔多唔少都影響到啲生意。
佢哋僵持咗好耐，大家都唔肯讓步。
呢隻錶係咩model？睇落幾正。
呢篇講香港教育制度嘅文章真係好寫實。
據統計，今年參加人數比上年多。
我發現女神枕頭底收埋咗個震蛋。
得罪講句，你賺錢唔多，佢唔會鍾意你。
上一次阿仙奴喺主場敗陣已經係三個月之前嘅事嘍。
架漁船沉咗之後，三個漁民喺海上飄流咗廿四小時先至得到救援。
我哋呢脱人，個個都識講廣東話㗎。
我做咗咁多都係贏唔到佢嘅歡心。
因為火勢太過猛烈，消防員被逼撤離現場。
唔使人吟，自動自覺做功課，真係少有喎。
你攞條橡筋箍住卷紙佢先唔會散開㗎。
佢因為成日整蠱啲同學，所以比老師罰。
我睇過佢作俾佢女朋友首情詩，好痺㗎。
忌廉溝鮮奶，就會溝到杯好鬼好飲嘅嘢飲！
嗰次係人類有史以來第一次踏足月球。
妖，眼大睇過龍做漏咗成頁考試卷。
救護車趕到嚟嗰時，佢已經冇咗氣息嚹。
畢咗業又未揾到嘢做，實在覺得好徬徨。
大肚婆有時會作嘔作悶，食啲口立濕會開胃啲。
香港越來越少漁民，嘆歌可能會喺香港失傳。
咪咁思思縮縮啦，淡定啲同人傾下偈啦。
條港女見到啲大隻佬即時濕撚晒。
阿媽係噉喺度鬧我，你快啲出句聲，幫下口啦！
身份證X字開頭嘅就係大陸出世。
你當做好心，施捨碗飯俾我食啦。
扱印嗰陣小心唔好掂到個印台，唔係隻手就污糟晒。
我哋呢個圈子嘅人係噉，好少約出嚟食飯。
我真係勢估唔到而家書店連奶粉都賣埋。
你都打橫嚟嘅，一啲道理都唔講。
Youtube個演算法真係好難捉摸！
你精精哋就聽聽話話，唔係就話俾你爸爸聽！
所有證據都直指陳生就係殺人兇手。
唔好再等喇，先下手為強，行動喇。
平安夜去尖沙咀海旁會見到唔少基督徒報佳音。
右腳好返冇耐，話咁快又傷咗，又要提早收咧。
中國政府要擺陣對付美國嘅新關税政策。
你對我一家人都咁好，我哋真係無以為報！
數目咁大，你最好寫張欠單俾我嘞！
佢俾男朋友飛咗，而家好唔開心啊。
呢個討論區有冇管理員㗎？咁多鹹片嘅！
佢成日都搬弄是非，成間公司都唔鍾意佢。
供樓真係好，可以儲錢、可以住、可以投資、老咗之後賣咗層樓租樓住，又可以攞住嚿錢慢慢搣。
佢衰衰地都係你細佬，你要睇實佢啊。
公司唔合理噉加班，引起咗部分員工情緒上嘅反彈。
今屆奧運會未過一半，港隊嘅成績就已破紀錄，除咗係泳隊零的突破，重係香港歷史上首次喺同一屆奧運贏得多過一面獎牌，真係可喜可賀。
你唔好咁蛇𠺌啦，少少頭痛唔使睇急症呀？
老人家要學識點樣打發時間先至唔會覺得悶。
呢個實數嚟㗎啦嘛，到時唔會加手續費㗎可？
件行李嘅體積係0.1立方米，超出咗限制。
呢個仔正一濕水欖嚟㗎，成日走嚟走去。
敵軍咁大動作，恐怕係想引蛇出洞。
呢排區入面有好多離奇失竊案，搞到區議員辦公室日日都門庭若市，個個都嚟揾議員幫手。
我軍嘅士兵前赴後繼，士氣非常好。
前任校長嘅政策為學生津津樂道。
我希望呢份報紙會成為弱勢社群發聲嘅平台。
只要佢肯交電費，佢用幾多我都唔拘㗎！
聽講學生報現莊啲莊員做嘢好多甩漏喎，你嚟緊同佢哋合作要小心啲喇。
呢張現金券嘅期限去到上個月十一號。
呢件事我唔會就噉算數，你睇住嚟！
喂你超晒budget喎，會計嗰邊實彈返轉頭㗎。
我哋每個月都會舉行讀書會，每次主題都會喺月頭公佈。
醫生睇完病人幅腦電圖之後發覺病人有腦癇。
歐盟對俄羅斯實行咗大規模制裁。
呢件事我唔理嘞，你哋搞埋佢啦。
如果唔介意搭枱嘅話，而家就有位架喇。
今次輸左響班仆街手上，仲慘過死老豆。
會議下一個環節嘅主題係空氣污染問題。
一個唔好彩佢出事，係咪你賠返條命畀我啊？
條法案太多市民反對，最終難產。
你唔知邊個重要啲？噉我想問下你，例如，你老母同你老婆一齊跌落水，你會救邊個先？
你做咗咁多錯事，仲敢話你問心無愧？
呢啲積弊唔係一朝一夕可以解決到㗎。
話人哋識讀書唔識做人可能都係一種偏見。
記得跑完步要做返靜態拉伸，放鬆肌肉。
今次意外促使政府立法監管建築安全。
揾一個有才幹嘅人做嘢，一定事半功倍。
隻隻款式都好靚，唔知揀邊個好。
屋企地方淺窄，唔夠位坐，大家將就吓啦！
死亡率低，因為死嘅數字都係黑數。
家父嘅教誨，我時時念茲在茲，銘記於心。
雖然如此，由此依然可以證明呢句真確。
好心你份人就唔好咁自大，成日以為自己全世界第一啦！
呢個同學好勤力，晚晚挑燈夜讀。
落雨仲好，可以留喺屋企休息下。
點解你可以話走就走㗎？唔通你喺香港土生土長，對呢個地方冇感情咩？
呢位選手後勁不繼，開始墮後嘞。
今日朝早堂又試得嗰小貓三四隻。
做人要自律，唔好下下要人提住先得㗎。
喺韓國，幾乎所有男人都要服強制兵役。
部份成員因為涉及利益衝突而避席討論。
大家老友，呢啲客套説話唔使講咁多喇。
佢對物理學嘅深入認識係嚟自佢多年嚟累積嘅學習同實踐。
個鹹濕佬有賊心冇賊膽，成日幻想點強姦靚女，但永遠淨係識打飛機。
2嘅立方，就係2乘2乘2，即係8。
我睇真啲先發覺張一百蚊紙係假嘅！
香港日治時期長達三年零八個月。
獄警同啲監躉嘅阿頭都會打好關係。
呢個磷礦足以提供鍛煉所需嘅大部分熱能。
呢份禮物仔，小小意思，當係我報答返你。
彌敦道係成個九龍最繁華嘅街道。
你而家先話自己未夠秤？快啲落咗個仔佢啦。
成分卷一個剔號都冇，你上堂究竟有冇留心聽書㗎？
佢之所以唔鍾意你，係因為你食煙。
佢響自己婚禮前一晚同佢前度私奔。
你行山小心啲呀！有咩閃失我點算？
高高瘦瘦嘅女仔着起條長裙上嚟，真係不得了。
下個月有幾個韓國電影明星會嚟香港搞簽名會。
呢度得我哋兩個，要咁多張櫈把鬼咩？
阿美突然冇咗份工，所以心情好差。
你搬去外國之前，我哋同你食餐飯餞行吖。
國際社會唔可以俾恐怖分子坐大。
有人話用咗學行車會遲啲先識行。
權力令人腐化；絕對權力令人絕對腐化。
碌柒喇，得返兩粒鐘，點死份Project出嚟得𠿪？
嗰個有錢佬同佢贖身，仲娶咗佢㖭。
喂，你撞到我呀！唔識講對唔住㗎？
做律師、會計師呢啲工都要考牌，有咗專業資格先至可以做。
電視啱啱播嗰套戲，啲嘟嘟聲仲多過剩低啲對白。
我好鍾意佢，但係又唔敢向佢表白。
高原上嘅空氣比較稀薄，好易有高山症。
十三歲嘅佢拎咗老豆部車去揸大膽車。
就算我同佢有私怨，我都要幫佢講公道説話。
對方咁多人，我哋唔夠揪㗎。你哋快啲拖馬幫手！
假到咁都呃到你，你都算真心膠喇。
經過調查，警方推斷佢就係兇手。
嶺南地區四方都俾山海環繞，環境好靚。
我嘅心情真係好矛盾啊，究竟同唔同佢分手好呢？
我哋不如分頭行事：你哋去買禮物，我哋就去攞生日蛋糕。
你唔好再一個大話冚一個大話喇，你瞞得佢一時，瞞唔到佢一世㗎。
花瓣上嘅露水喺晨曦嘅照耀下，閃閃發光。
你連放假嘅時間都要貢獻俾公司。
放工梗係要換返件馬騮衣出嚟啦，唔通著住佢周圍走，貪好睇咩？
佢哋本身話等朋友，之後又改口話係等巴士。
佢係噉岌頭，應該好認同我講嘅嘢。
佢唔只教好學生，仲關心佢哋嘅心理健康，真係一個盡忠職守嘅老師。
呢間餐廳裝修過之後，真係耳目一新啊。
嗰個人其實係魔術師嘅媒，一早夾定。
咁撩lung嘅顏色名，我真係唔識喎。
希望你可以重新考慮我哋嘅要求。
我哋應該針對呢個問題，對症下藥。
幫你都唔係唔得，不過前提係，你要應承我一件事⋯⋯
阿松學人鹹豬手，結果畀人勒令佢做社會服務令。
聽人講去外國讀書，生活會好淫亂。
你用人海戰術，正一人多蝦人少！
呢塊石碑已經喺度屹立咗二百年。
呢幾日隔籬屋傳嚟一陣難聞嘅氣味。
我趕唔切嚟食飯，不過下場預埋我。
啲舊樓佢買返嚟裝修，然後轉手。
買定保險，萬一有乜三長兩短都有得賠吖嘛。
條友最叻車大炮，你唔使理佢㗎！
份卷分咗做五part，每part二十分。
俾人恰梗係要反抗㗎啦，點可以好似隔夜油炸鬼，淋滋滋？
佢成日去蒲，晚晚唔玩到四五點都唔捨得返屋企。
好多怪獸家長成日谷啲細路去學好多嘢。
你顧下你自己個形象啦，似咩樣？
珍姨份人好豁達，遇到咩難題都可以樂觀面對。
食環署勸喻市民儘量唔好過量進食炭燒肉乾。
為咗避免不必要嘅爭拗，喺開始之前我哋約法三章先會好啲。
架車都行左超過十萬公里，折舊後其實已經一蚊都唔值咁滯。
用張包被包住佢，佢會覺得安全啲㗎。
嗰次意外嘅畫面又喺我腦海浮現。
佢一餐食兩碗飯都仲係瘦蜢蜢，係咪個肚生癪呀？
佢喺呢件事上面處於一個被動嘅位置。
佢開心到喺草地到打咗三個關斗。
你有問題就揾佢啦，佢百足咁多爪，一定揾到人幫你。
生得靚仔有鬼用咩，你買嘢又唔會用塊面嚟碌卡。
哈！同佢打對台嗰個一定一鑊粥。
呢棟樓係碩果僅存嘅日治時期建築。
我suppose你會識㗎wo。
一個器官捐贈者最多可以救活八個人。
我只係轉述佢嘅説話，你要怪就怪佢！
阿生嚟緊同朋友去旅行慶祝牛一。
佢好八㗎，有咩秘密唔好話佢知。
你放心啦，我已經發散晒啲手足去揾明仔，好快會揾到佢架喇。
做得家務少，隻手啲皮膚咪咁光滑囉。
只係比賽咗一半啫，你咁快打退堂鼓認輸嗱？
死喇！我唔記得backup啲相，而家冇哂喇！
晨早流流，你做咩喺度鬼殺咁嘈？
每次入到舖頭，啲售貨員都猛問你要唔要呢樣嗰樣。
佢老牛咁嘅聲都可以出到唱片，真係豬乸會上樹！
呢單工程我計過，連毛監屎應該十萬蚊搞得掂。
呢個人居心叵測，你都係小心啲佢好。
做功課就專心啲啦，揼揼下又到半夜都未做完。
千祈唔好同黑社會打交道啊！好危險㗎！
派咁多警察對付啲和理非非嘅示威者，真係好多餘。
想買洗衣機先發覺廚房唔夠位，想買大部少少都唔得，好麻煩！
媽媽成日將我哋當做細路噉看待。
隔籬屋個女人成日喺度勾三搭四，真係見到都眼冤！
喺公司裏面，佢一個心腹都冇，所以樣樣要親力親為。
呢度好雜㗎，我夜晚落街成日俾人撩。
畀蛇咬咗之後要即刻咇啲毒出嚟。
除咗地球、火星、土星之外，其實仲有好多其他星球。
一個中文字係字素，一個英文字母都係字素。
佢作咗好多個大話去隱瞞佢犯罪嘅事實。
甲公司股價原本每股四個半。經過尋日派息除淨之後，依家股價係四蚊。
啤酒好肥㗎喎，你想瘦最好飲少啲。
我哋喺巴黎逗留咗一段短嘅時間。
我啱啱收到銀行寄俾我嘅付款通知書。
佢哋最聽你話，你肯開金口就一定冇問題。
今次呢隻新game係任天堂嘅最新力作。
佢發現老公出軌，就即刻同佢離婚。
啲人話廖教授係killer，我又唔覺喎，個grade唔算差吖。
條女好拜金㗎，專揀有錢仔拍拖。
最憎啲餐廳冇得訂枱，迫人排隊搞到懶係多人噉。
我屋企裝修，我會去朋友屋企度住住先。
佢四十歲都嫁唔出，分分鐘由籮底橙變神枱桔。
啲口罩嘅質素咁差，邊度會有人買吖。
先生你肺部發炎，要食抗生素喎。
你喺個客面前隨便講嘢，好易撞板㗎！
我哋成立咗一間各佔一半股權嘅合資公司。
你煮嘅嘢食，爸爸多多都食得晒。
多得園丁落足心機照顧啲花草，個花園先可以咁靚。
俾人講兩講佢就耳仔軟，應承咗人哋買保單。
套電影嗰啲打鬥場面全部都係埋身肉搏，你都咪話唔精彩。
我打字手殘，只係識用兩隻手指篤。
個bb嘅肚䏙彈下彈下好得意呀！
當我第一眼見到個女仔，我就有種觸電嘅感覺。
咪以為上司睇得起佢，就有免死金牌先得㗎。
《香港雜記》係首本用漢字寫嘅香港專書。
你哋加班趕貨，老闆請食宵夜慰勞吓你哋喎。
我喺屋企鳩fing fing咗幾個月啦。
仔呀，幫手燒啲陰司紙畀你呀爺。
呢名四十歲左右嘅候任議員，噚日親身落區謝票。
周圍嘅人都勸佢唔好帶病上陣，但係佢一意孤行一定要出賽。
喂，阿Sir啤緊你呀。醒水少少，快啲收埋本漫畫啦。
佢二十年嚟盡心盡力，對公司貢獻良多。
佛系上車法就係唔儲錢，緣份到喇喎，咪上到車。
冰遇上熱力嘅時候佢嘅形態會有變化。
呢個後生仔都幾精叻嘅，不過唔夠經驗啫！
我真係懵嘞，我以為佢鐘意我，原來佢淨係鐘意我啲錢啫。
唔好白費我一番苦心，快啲飲晒啲湯佢。
我upgrade咗做Win 10之後唔識點隱藏桌面圖示。
士兵全部著好戰衣，準備攻打敵國。
呢啲嘢舉手之勞啫，唔使客氣喎。
呢份功課做唔完我就膝頭哥繳眼淚㗎喇。
過咗半年，佢都仲未放得低佢個ex。
有啲人會將聯邦同邦聯撈亂，其實區別在於基本單位有幾多主權。
我之前做完手術痛到行唔到，做完物理治療好咗好多。
呢本科幻小説嘅內容好刺激，所以相當暢銷。
人口中位數年齡反映社會嘅老齡化水平。
我唔明點解啲人覺得佢寫啲垃圾好到肉囉。
學會評選最佳電影，張導演嘅電影榜上有名。
你咁答死梗啦，人地一定打蛇隨棍上。
佢嘅博士課程揼長嚟讀，就可以留喺度耐啲嘞。
嘩！做咩呢度亂七八糟、冧晒檔咁款呀？
每次爸爸發嬲，阿哥都揾我做擋箭牌。
后海灣北部原本係香港嘅水域，主權移交後依家由深圳管轄。
我哋宜家採取唔到任何措施，唯有靜觀其變。
我哋唔識嘅，我只不過係搭枱架啫。
呢間餐廳跌咗watt，下次唔會再幫襯。
我今日使咗好多錢，買咗好多嘢。
佢太太死咗之後，佢就一直冇再婚。
佢響阿媽個喪禮嗰度成程都強忍住淚水。
好心你剃吓鬚啦，留鬚留得咁核突。
冇錢去高級西餐廳，唯有留喺屋企準備平民版嘅燭光晚餐啦。
東鐵綫「烏蠅頭」列車退役當日，好多鐵路迷都去搭最後一班車。
請好好保管自己嘅財物，提防扒手。
幾個國家嘅對外擴張被視為埋下大戰嘅伏線。
千祈唔好貪方便做環保吹，會有性病㗎。
嚟緊有幾單大茶飯，大家要醒醒定定！
要你食埋我嗰份，真係難為你喇。
試咗咁多次都唔得，仲未肯心息？
佢讀書幾用功，考試成日攞滿分。
噚日你哋公司開party邊個做到會啊？
原來今日係星期日，等我仲咁急趕返學添！
呢間公司出現咗財務問題，需要清盤。
你噉做我好冇面㗎。叫我點對住班細唧？
經過呢件事之後，我先至領悟倒人生嘅真正意義。
個發射站成個波咁，喺山上面碌落嚟咁點算。
呢隻手機有唔同顏色，任君選擇。
3.14係一個小數，「4」係百分位。
《東陽報》啱啱推出果陣，用割喉戰頂爛市，只係賣兩蚊，搞到其他對手要陪佢減價，甚至要送利是。
甲：「有咩嘢唔妥，咪慢慢講囉！」 乙：「講你老母！」
我頭先差啲俾架巴士撞死，真係驚到鼻哥窿都冇肉。
我都係陪太子讀書啫，你先係今日主角。
呢個題目可以延伸至一個道德問題。
糖水舖口碑好，客人自然絡繹不絕。
佢對公司冇歸屬感，所以好快就跳槽。
正所謂朋友妻不可窺，你個兄弟對你咁好，你竟然搞佢老婆？
屋企咁多嘢，如果有間雜物房就好嘞。
終於放暑假喇，可以唔使讀書住。
今日同大家普及下整蛋糕嘅小知識。
工作台突然傾側，兩名工人受傷。
一股熱帶氣旋開始移向南海一帶。
法醫官認為死者係被殺嘅，唔係自殺。
我今晚去同學屋企過夜，唔返屋企瞓。
即使面臨威逼利誘，我哋依然絕不退讓。
個個之前都話出pool就請食飯，結果個個都冇兑現承諾。
佢患咗重病，體重暴跌，瘦到皮包骨噉，望到就覺得心痛。
社工主動接觸犯罪青少年，希望能夠感化佢哋走入正途。
呢行唔讀埋上博士都好難入行咖。
發高燒可以好嚴重㗎！快啲去睇急症！
你喺咁多人面前講粗口，真係好失禮。
喺顯微鏡底下可以睇到肉眼睇唔到嘅細菌。
阿姨之前患咗五十肩，連頭都梳唔到。
我爸爸喺外國經商，好少返香港嘅。
天子犯法與庶民同罪，就算你係親王都要受罰㗎喇。
呢度唔係法庭，呢度唔需要證據！
你半夜三更仲打麻雀，我告你滋擾㗎！
你幫公司做假數，同踩鋼線冇分別。
如果把鉸剪鈍咗，我可以用磨刀棒磨返好佢。
對方咁多人，我哋唔夠揪㗎。你哋快啲班馬嚟幫拖！
佢心地善良，成日都會幫有需要嘅人。
今個月嘅收支平衡係正數定係負數啊？
咪睇佢哋專家噉款，間唔中噏下啲術語噉啊，其實佢哋係拆白黨，志在呃晒你啲錢咋！
行山心曠神怡不特止，仲可以強身健體。
橋頭上有個婀娜多姿嘅美女，形單影隻。
山上面有個涼亭俾行山人士休息嘅。
年宵就嚟完，檔主個個都割價促銷。
小美執意要辭職，屋企人只可以由得佢。
又話大陸版《西遊記》個電腦特技係由《魔戒》嘅班底負責，但點解咁肉酸㗎？
我哋公司就係喺後尾數上嚟第二間，喺右邊嘅。
啲人去日本好鍾意用鐵路pass周圍去。
汽車引擎如果唔好好保養會損耗得好快。
「咁夜揾我咩事？」「冇啊，我想話叫你屙尿啫。」
魯迅嘅作品批判中國人嘅劣根性。
啲人話頭七好猛㗎，我哋今晚都係早啲走，唔好打搞人喇。
就算客人冇買嘢，都要對佢哋有禮貌嘅。
我都係唔揾佢喇，費事俾人請我食閉門羹啦。
墨西哥有好多人掘地道去美國謀生。
今次演唱會每一首歌都有嘉賓，相當疊友。
小明都識講棟篤笑？我驚真係笑死人咋！
塊餅仲食唔食呀？唔食鳩就，我掉咗佢。
呢隻game搞咗咁耐終於順產，我之前仲幾驚佢出唔到。
量子力學係大學物理系實會讀嘅嘢。
我細個嗰陣，一毫可以買一粒糖。
爸爸拎番嚟嘅每一蚊都係血汗錢嚟㗎。
呢個細路仔真係懂事，知道父母辛苦。
啱啱面試嗰陣，我緊張到發ti騰。
阿松佢尋晚打機打到天光，今日成日都烏吓烏吓咁，頭先仲一嘢扻埋條電燈柱嗰度。
喊成噉，睇嚟隔籬屋又用衫架打仔喇。
我係被擺佈去到海德公園，玩埋我阿爸啲低能公關伎倆扮幸福家庭。
我而家身上冇錢，等我去撳機先。
呢個鐘數清潔嬸嬸應該會嚟吸塵。
呢排經濟唔好，個個都冇啖好食。
老闆話佢辦事不力，所以炒佢魷魚。
已經成個星期冇落雨，天氣好乾燥。
事到如今，我哋唯一可以做嘅嘢係報警。
你洗碗就打爛碗，真係笨手笨腳啊。
慘喇，隊波已經落後緊一球，依家仲要輸個十二碼，今次想贏都難。
個賊喺入便偷嘢嘅時候，啲同黨就喺門口把風。
可唔可以幫我鑑別吓邊個花樽真係古董？
佢冒名代佢細佬去比賽俾人發現，所以被取消資格。
我今朝打過電話俾佢，不過打唔通。
呢個係典型嘅山區地形，有懸崖，有山谷。
我隻眼好乾呀，你有冇眼藥水呀？
佢無啦啦發曬癲咁鬧人，都唔知係咪鬼上身。
佢今日放假，我會將你嘅信息轉達俾佢。
過咗成個鐘，佢先至施施然出現。
唔好喺度懷緬過去喇。面對現實啦。
個個人都唔鐘意佢，可想而知佢個為人係點。
親手幫自己啱啱出世嘅女剪臍帶，感覺好奇妙。
我條女成日chur我，晚晚唔傾到一點都唔俾我收線。
我最鍾意聽貝多芬命運交響曲嘅第一樂章。
今次係佢喺轉會前最後一次出賽。
個個掛住吹水，都無人放seed。
恐怖襲擊對美國嘅經濟造成嚴重嘅威脅。
佢照顧唔到佢老豆，要送佢入安老院。
如果你贏到呢個比賽，我就可以沾光去慶功喇！
冇乜行山經驗就唔好自己爆林喇。
你仲用火水爐煮嘢食呀？唔驚有危險咩？
佢唔鍾意自己大面，所以想儲錢去韓國整容。
政府官員每日都處理好多唔同嘅政務。
你啲糖尿病再唔控制好啲，好快就會好多併發症㗎喇。
呢班軍官因為殘害平民嘅暴行而受到審判。
佢係咁勁啊，又唔見佢卜到個風幾時嚟？
小明跌咗支筆落地下，所以要彎腰去執。
佢一有時間就去度假，好識享受架！
喺個山崖度跌落去肯定會粉身碎骨。
我好睇唔起啲乜都唔識、對社會冇貢獻嘅二世祖。
每一位嘉賓都會有機會發言，然之後你哋亦都可以問問題。
喺呢個炎夏，食噃支雪糕就最啱喇。
而家醫學昌明，唔使太擔心你細妹個病喎！
上完體育堂，班房嗰陣體臭真係好惡頂。
我好鍾意去嗰啲賣手工藝品嘅舖頭。
台灣南部發生黎克特制5.7級地震。
呢個影壇大哥好邪㗎，佢代言嘅品牌好多都俾佢燈死咗。
叫左你唔好響個地下碌嚟碌去啦，搞到而家成隻污糟貓咁。
再唔講，信唔信我質多你兩搥吖嗱？
若果飲苦茶覺得苦，可以食粒嘉應子送口。
以前屋企窮，我就俾呀爸賣咗去做童養媳。
你出嚟睇波，阿嫂會唔會嬲你唔陪佢？
我揸特更嘅，每日揸十幾個鐘車。
快啲換咗啲衫佢啦，唔係凍親呀。
佢喺廁所留勁春耐先出嚟，都唔知喺入面搞乜。
佢做埋咁多衰嘢嚟賺錢，唔止冇內疚，仲可以咁風光，真係冇天收咯！
最近啲護士成日都攞病假，一個月落嚟，有成10個人腸胃炎……有冇咁差呀香港啲食物？
你買單程票就得嘞，唔駛買來回飛嘅。
睇阿松正話試阿娜煮嘅餸嗰陣又乜又物咁，仲諗住佢好識煮嘢食。點知佢煮起嘢上嚟差啲燒咗成個廚房。
佢嘅成就令佢嘅屋企人引以為榮。
老竇腸癌隻標靶藥一個月成二萬蚊，有冇得申請資助？
小明望住佢女朋友嘅時候笑盈盈咁，真係夠曬甜蜜喇。
佢連續兩場攞黃牌，被罰坐波監，最後一場分組賽冇得出。
人哋好純真㗎，你唔好教壞佢添呀。
睥住我做乜啫？個花樽唔係我整爛㗎。
佢好騎呢㗎，會無啦啦喺度唱歌。
只要俾錢佢，佢就咩都肯做，真係有錢使得鬼推磨。
今日著名設計師蘭玉喺微博上載一張親手設計嘅婚紗草圖。
咁大個人，乜都睇化晒啦，仲有乜好嘈。
唔好咁扭擰喇﹐乖乖哋去返學啦。
你飲咗呀媽嘅奶水咁多年都唔知呀媽諗緊乜。
佢想扮日本人，但係一出聲講嘢就露出馬腳嘞。
佢哋成日喺度放閃，都唔體諒單身人士嘅感受。
出去，咪阻住我哋兩老死咬耳仔，我哋有密偈要斟。
佢講過好多次話要減肥同唔再食肥膩嘢，結果個個禮拜都食炸雞髀，真係姣婆守唔到寡！
七十年代，由越南走難去外國嘅人不計其數。
我幫你轉接另外一條專用嘅電話線。
法團冇責任回應媒體揣測或市場謠傳。
嗰度有好多攤位遊戲，不如我哋過去睇囉？
我哋籌到嘅款項會用嚟幫助殘障人士。
我讀文學嘅，對機械嘅嘢一竅不通。
呢個商場有幾間黑店，你要買嘢最好搵啲熟電腦嘅朋友一齊去。
我家姐話鍾意我隻錶，所以我同佢掉換。
我哋喺現場揾到冰錐，懷疑係兇器。
你體質燥熱呀，一定要飲多啲水先得㗎。
咁刁鑽嘅問題都避得開，佢都有返兩道散手呀吓。
呢排忽冷忽熱，一唔小心好易感親。
做咗就快三年嘅《愛回家》終於完。
魔鬼博聞強記、雄辯滔滔嘅印象躍然紙上。
佢哋不惜工本，將間舊屋重新裝修。
對於佢童年發生嘅事，佢絕口不提。
老師會盡量畀學生空間，等佢哋可以喺愉快嘅氣氛下學習。
唔好喺我面前整色整水，你呃我唔到嘅。
警察係唔會俾啲壞人胡作非為㗎。
我講嘢大聲啲就告我擾亂治安，真係冇天理。
做大佬好威咩？叫佢放馬過嚟啦！
我保你大喇！你唔好又喺度無病呻吟啦。
小學嗰陣個個禮拜都要交週記，老師會留低好多評語，所以就係嗰陣時開始好鍾意寫嘢。
名作家巴金喺2005年與世長辭，享年一百零一歲。
你到咗香港之後打個電話俾我吖。
乜都叫我做，你當我係你阿四呀？
我哋爭兩個人先夠喎，你哋幫吓手湊數吖。
今日所有舖頭都閂晒門，乜春都買唔到。
病人入院嗰時已經病入膏肓，我勸屋企人都係捉緊時間啦。
上次份報告做錯晒，俾老細省到立立令。
喺災難之後，最重要嘅係安撫災民驚惶不安嘅情緒。
不如摟埋方方報名參加嗰個書法比賽吖？
呢件事揾佢幫手，佢斷唔會托手踭嘅。
既然你哋真心相愛，我就成全你哋，准你哋結婚啦。
根據法例規定，學校每半年就要走一次火警。
我大聲質問佢點解唔事先通知我，佢冇聲出。
如果你唔帶把遮出去，實會俾雨揼濕。
我哋做每一件事之前都要深思熟慮。
有關數字仲未公開，故此我唔想隨便評論。
你又飲酒飲到啤啤夫，聽日點返工呀？
中咗六合彩嘅話﹐我就可以歎世界唔使做喇。
呢個係學術交流會，唔使喺大酒店開咁鋪張。
咪以為係拖板就插幾多嘢都得𠿪，會燒fuse㗎。
國家響佢呢個強人嘅統治下，逐漸變成咗一部井井有序嘅機器。
咁啱俾我碰上特首，我即刻同佢影相。
佢哋成家都好鍾意户外活動㗎，所以個個都曬到好黑。
尖沙咀嘅主要道路實行咗封路措施。
呢隻喉糖會令你喉嚨覺得好冰涼。
如果衝擊立法會嘅係反對派頭面人物，律政司仲會堅持上訴咩？
橫掂今日都做唔晒啲嘢，不如早啲去瞓覺，聽日再做啦。
我估唔到第一場比賽就要同師兄打對台。
佢面不改容咁吞咗成碟蠶蟲落去。
我阿媽堅持日日都要掃地同拖地。
而家電腦嘅文書功能提供不同嘅字體選擇。
你呢個計劃搞得好好睇睇嘅話，上頭會考慮升你職。
沙士期間，有幾位醫護人員不幸染病而殉職。
呢個國家最近立例禁止室內吸煙。
心理學有冇特定嘅term形容呢種情況？
你為咗少少錢就同父母鬧翻，真係因小失大啊。
我不嬲都傾向利益以本土為依歸呢個諗法。
個天明明頭先都好地地，但係忽然落起大雨喎。
人透過各種感官去認知呢個世界。
我一時口快講咗啲唔應該講嘅嘢。
唔理三七廿一，我都要準時去到機場架嘞。
搭火車由沙田去九龍塘，車程大概要十分鐘。
都叫你唔好飲噤多紅蘿蔔汁架啦!你而家成塊面都變咗橙色。你係唔係攞嚟衰吖!
佢為咗取悦上司，每晚都留喺公司加班。
佢累公司冇咗幾百萬生意，你竟然放生佢？
保羅面對主考官，覺得好緊張，惴惴不安。
個拆遷公聽會事前冇公佈俾居民知，得嗰兩三個人參加。
唔係話標奇立異就會有人欣賞㗎，笑你係傻仔都未定啊。
青少年容易迷失方向，誤入歧途。
細路仔要聽爸爸媽媽話，唔准咁佻皮㗎。
賭王出公海同巴拿馬總統玩百家樂。
喺酒樓做侍應，每個月嘅下欄有時會多過正薪架！
每個表演項目之間都夾住一段休息時間。
唔想拎銀包去食晏，拎張五百蚊去都綽綽有餘啦可？
你塊面紅囇，係咪想溝Bobo？
我唔鍾意同阿偉講嘢，佢講嘢好粗鄙。
你搞我不特止，重搞埋我朋友同屋企人？真係佛都有火！咪以為我好恰喎！
佢唔聲唔聲行埋嚟，嚇左我一跳。
政府將協助村民重建具抵禦強風能力嘅房屋。
多做運動係一個切實嘅減壓方法。
佢咁冇主見，唔會係一個好嘅領袖！
呢個細路好頑劣，教極佢都唔聽。
我忽然間覺得好凍，係咪開大咗個冷氣？
佢經常遲到，我已經忍無可忍，我唔會再等佢。
老闆咁信任我，叫我寫份計劃書，我點可以交白卷架！
你老細都CLS嘅，又唔係你錯做乜鬧你啊？
馬戲團嘅表演令台下嘅觀眾睇到目瞪口呆。
我已經搭通晒天地線，資金一到手我就可以開始我盤生意。
呢個廣告咁細，一啲都唔起眼，冇乜用喎。
為咗解決漏水嘅問題，水喉入面個缺口一定要盡快補返好。
佢成日做錯嘢，令人十分之勞氣。
佢細細個就立志做一個偉大嘅作家。
喺危難關頭，我地更加應該互相幫助。
你背熟乘數表，做乘數就會快好多。
阿松夏天走去賣羽絨，實食西北風啦。
康熙係中國歷史上在位時間最長嘅皇帝。
個高達模型嘅比例係一比一百四十四。
其實毒撚一個更開心，使撚你講。（改編歌詞）
呢度好安全，就算打風都唔駛驚。
弊傢伙喇！我跌爛咗阿爸部相機呀！
即使遇到疑難，我哋都唔應該放棄。
公司長年虧損，已經去到窮途末路。
佢冇返學一排，所以覺得啲功課好難追。
佢得罪咗網民，而家日日俾人爆炸inbox。
一刀切訂立標準工時似乎唔係咁好，要考慮唔同行業情況。
你電腦底板個cap燒咗，所以先開唔到機。
呢個學生喺運動會上出類拔萃，贏咗七面獎牌。
呢部printer有埋掃描功能㗎。
我又俾病菌打敗喇，好唔舒服呀。
公司靜到我爭啲喺張枱度瞌眼瞓。
你睇！你搞到條裙一撻撻咖啡色嘞。
乜你個人咁腌尖聲悶㗎，乜都話唔鍾意。
以前好多家庭都因為太窮，逼於無奈要賣咗個仔。
每逢初一、十五，我媽媽都食齋嘅。
我住喺九龍，去新界同港島都好方便。
為咗呢件事可以有個好結果，我哋同聲祈禱。
有錢真係好，可以餐餐大魚大肉。
佢返工都係賺錢買花戴㗎啫，佢邊緊張份工。
公司嚟緊個財政年度要添補一千個員工。
當年最親密嘅朋友，今日已經冇再聯繫。
啲人話唔好喺盲年結婚，唔係兩公婆會容易有磨擦，難啲有細路。
好多人都會因為可以羸錢而賭博，但係就冇諗過呢個係糖衣毒藥，令佢地患上賭癮。
喂大佬你係戥豬石嚟咋，你當正自己主角呀？
好多人覺得家庭暴力係家事，所以就算見到都唔會去報警。
呢個建議只係老調重彈，了無新意。
佢畀先生罰坐飛機位都照瞌眼瞓。
天主教同埋新教都係基督教嘅教派。
想練一身好武功，就要經歷艱苦嘅訓練。
佢好有藝術天份，年年美勞第一。
個女人咁醜都可以比佢嬴到選美比賽，擺明係造馬㗎啦！
如果你想將呢個理論應用落去發展新科技嘅話，前提係個理論要有科研證據支撐。
公公喺我細個嗰陣教過我打算盤，不過太耐冇用唔記得晒嚕。
佢次次著到成個老解咁去打wargame。
做極都係呢啲，做到dur皮喇。
明星嘅緋聞通常都係師奶茶餘飯後嘅話題之一。
我哋希望照顧到唔同族裔嘅需要。
佢係我嘅恩師，因為佢喺課堂以外，教咗我好多做人嘅道理。
混聲四部合唱分別有女高音、女低音、男高音同埋男低音四個聲部。
我去旅行係想體驗當地嘅風土人情。
飲食唔節制、缺乏運動都係令佢痴肥嘅元兇。
慧慧喺澳洲住咗好多年，而家唔係好熟識香港嘅文化。
佢戴住耳機聽唔到個警察叫佢，咁就俾人告拒捕喇。
我個伯爺公又去咗快活谷睇跑馬喇。
佢哋兩個已經傾咗成個下晝，但睇法依然南轅北轍，無法達成協議。
佢份人好盲塞，永遠唔會聽吓人地意見。
沙田同大埔分別喺深夜發生交通意外。
我都知你有好多自己嘅諗法，但係做人有時都要現實啲，唔可以一味隨心所欲。
呢部份嘅和聲係首歌嘅靈魂，冇咗嘅話首歌就會好單調。
吳王夫差唔聽伍子胥講，最後咪亡國囉。
你知唔知你對我造成嘅傷害有幾深？
呢間公司好嚴，員工做乜都綁手綁腳。
呢個地方比較落後，我哋只可以用凍水沖涼。
老公仔，可唔可以買呢個手袋畀我？
佢心裏面鬥爭咗好耐先至決定離婚。
佢將旅遊期間所見所聞寫成一本遊記。
食呢間，冇返幾百蚊一位都落唔到樓喎。
佢退咗休冇咩寄托，所以就開始揾唔同嘅嘢去學下。
「我哋個表演幾點開始呀？」「唔知呀，我諗兩點到啦，要睇下前一個表演會唔會超時先知。」
我哋個department又畀人port喇，又要寫薯仔文畀老細。
寫啲垃圾落去就得，唔使咁認真。
雖然今年興金色，但係實在太難襯衫喇。
危難果陣，一個人嘅真面目就會顯現出嚟。
你再唔走呢，我就揾人打到你冇鞋挽屐走。
金星表面有大量温室氣體，導致佢成為太陽系最熱嘅行星。
我自細都係阿爺俾錢我供書教學嘅。
佢鐘意講人是非，好多人都俾佢抹黑㗎。
觀塘個規劃太差，要成個砍掉重練。
吓？你想追女神呀？簡直癩蝦蟆想食天鵝肉！
佢急住應門，冇留意到自己衣衫不整。
好快啲去咪書喇。唔係考試肥佬你就知死！
我有啲相嘅backup喺嗰隻hard disk度。
我樓下間小食店，諗住贊助吓大學學生會啲活動可以做宣傳，應承咗俾幾百隻雞翼佢哋，點知班學生臨時甩底，整好咗啲雞翼嘥晒喇。
習武之人，路見不平，自當拔刀相助。
個男仔真係唔話得，娶咗個女人仲幫佢養埋個便宜仔。
匿埋喺澳洲嗰個殺人犯終於要引渡返香港。
阿媽唔俾我去旅行啊，你幫我擺平佢啦！
今日阿松返學被miss沒收電話。
阿松佢又細粒又冇力走去學人應徵 做打仔。結果？佢俾啲大隻佬掟佢出門口。
我預產期係12月24號，同耶穌一樣。
喂好壯喎，嚿胸肌仲大過你女朋友個胸喎。
大家夾手夾腳將啲行李搬上車先。
疑犯為中國籍男子，操流利普通話。
呢期好多功課要交，我晚晚都要趕工。
我好鍾意食甜品，譬如話朱古力蛋糕同馬卡龍。
自我中心嘅人，唔會考慮其他人嘅感受。
老闆揾你啊，你仲咁得閒喺度打牙骹呀？
你成日係噉意做功課，信唔信先生罰你吖嗱！
孖B車出唔到閘，要揾職員幫手喎。
好緊張啊，聽日同佢有個約會啊！
我會將你哋嘅經歷編寫成一本書。
爺爺喺半夜失去呼吸，離開咗人間。
英國嘅全稱係大不列顛及北愛爾蘭聯合王國。
個茶壺造得唔好，斟茶時不時會漏水。
我喺學校嘅水運會報咗名參加蝶式比賽。
我地離婚，係因為有第三者插足。
我而家同一時間同幾位朋友Whatsapp緊，未必即刻覆到你。
佢係呢次比賽其中一個大熱門，點知三甲不入，真係令人跌晒眼鏡。
澳門係世界上人口最密集嘅地區。
見到巴西輸波，佢哋不謀而合，一啖隊咗一支德國啤酒。
由於天氣惡劣，學校旅行被迫延期。
每個月你俾得一千蚊家用屋企，真係生嚿叉燒好過生你呀！
開住電視好易分神，好難認真温習。
唔該可唔可以幫我撳𨋢呀？我想去十三樓呀。
快啲閂埋個紗窗啦，唔好放啲蚊入嚟呀。
遠古嗰陣，原始人用手磨石製造石器。
熄燈之後間房一片黑暗，乜都睇唔到。
中文翻譯未必準㗎，而且睇原文查資料都易啲。
O camp完咗大家都會寫龜背。
個客户服務主任解答咗我嘅疑難，我部電話冇事喇。
佢只係個黃毛丫頭啫，唔使咁惡嘅。
開會開到四點冇食飯，而家餓過飢反而食唔落。
記得帶埋張屋契去律師樓辦手續啊！
掃墓嗰陣，小祝燒啲元寶蠟燭畀祝叔叔。
唔同嘅中藥方，煎煮嘅時間係唔同㗎。通常講嘅方法就係以幾多碗水煎成一碗嚟量度嘅。
受小説影響，民間亦會稱哪吒為三太子。
我以為你今日要返學添，原來唔使。
你可唔可以帶我哋周圍參觀下啊？
我後生嗰陣成日約朋友一齊打波，喺呢個籃球場都留低過幾條腳毛。
你個仔同我個女結婚，咁我地兩家人咪係姻親囉。
佢背對住我企，所以我睇唔清楚佢個樣。
我哋喺死者嘅寓所發現到疑犯嘅指模。
公司長期資不抵債，最後被逼申請破產。
佢把持唔住自己，所以就有呢個感情缺失。
我幫緊BB沖涼，冇手聽電話呀。
一樣分母，分子越大，分數數值越大。
政府當前最急切嘅工作係降低失業率。
佢趁我唔為意，失驚無神喺我耳邊大嗌，嚇到我成個人彈咗起身。
我哋都就快分居一年啦，係時候搞離婚喇。
你請個有偷嘢案底嘅人負責收錢，即係引狼入室啫。
經過千辛萬苦，醫療界終於揾到對抗愛滋病嘅新療法。
阿松喺度訴説佢喺監倉嗰度嘅辛酸經歷。
「震驚七百萬人」呢種標題黨out咗喇！
八大藝術係指文學、繪畫、音樂、舞蹈、雕塑、建築、戲劇同埋電影。
來日方長，使乜急住做晒啲嘢佢呢？
個細路好慘㗎，一出世就俾佢老豆老母抌低喺孤兒院門口。
我細佬結婚嗰日，有好多我哋好耐冇見過嘅疏堂兄弟都嚟咗。
幾日冇露過面，佢今日終於上水。
畀父母虐待嘅童年陰影令佢好難去相信其他人。
我下個星期會搞私影，你都一齊嚟啦。
你哋各不相讓，最後只會兩敗俱傷。
唔好跑，因住隻腳先得㗎，你啱啱先好番咋。
為我哋打頭陣表演嘅有香港中樂團。
根據香港法例，任何人士都唔可以將煙草售予未成年人士。
呢個組織有好多人泵水俾佢哋㗎！
你都算奸囉，插贓啲毒品嚮佢架車度，等佢畀差佬拉。
手提電話嘅價錢由幾百至到幾千蚊不等。
受到連番騷擾，阿玲終於忍唔住報警。
小姐，我喺邊度見過你呢？你好熟口面喎。
一般學者認為廣東話有十九個聲母。
建築物嘅取景需要揀合適嘅拍攝點。
佢三十幾歲都嫁唔出，睇嚟都要買定姑婆屋喇。
啲麪咁多味精，都係唔好食咁多喇。
呢個計劃可以為有特殊需要嘅學生提供適切嘅教育。
佢把聲沙沙哋、沉沉哋，好有磁性。
聽日就比賽嘞，你而家先嚟褪軚？
呢個工程對大家好重要，大家都唔敢怠慢。
好多孕婦喺懷孕初期都會成日作嘔作悶。
我今朝唔知醒走咗堂，老師有冇點名啊？
人老咗好鍾意成日講道理，難免有啲長氣。
佢成嚿大番薯咁，解釋極都唔明。
清官難審家庭事，佢又唔係公眾人物，我哋呢啲外人又真係冇必要插手㗎噃。
大家識咗咁耐，十幾蚊婆仔數你就咪計啦。
佢用甜言蜜語氹佢爸爸買一部新手機畀佢 。
佢岔開話題，嘗試極力掩飾自己冇畢業呢個事實。
佢個人好呆板，幾時都木口木面。
佢貪勝不知輸，結果嘔多幾皮出嚟。
今晚嘅飲品，係由可口可樂公司贊助嘅。
一次過托四包米？小意思啦。八包都試過。
今年主場採用全面對號入座，購票球迷除咗選擇球場自由席之外，所購門票都係事先劃好座位，但唔會提供俾球迷揀位。
媽媽今晚煮咗我最鍾意食嘅蘑菇呀！
如果佢真係問我，我唯有支吾以對啦！
嗰晚你唔知你到唔到？咩唔知啫，一係到一係唔到。
我覺得一個人月薪冇六位數唔算中產。
「唔係呀嘛？漏咗本護照喺屋企？你而家去旅行喎…」
媽媽每朝都目送我嘅校巴開走咗先至返屋企。
佢冒住暴雨去救人，心口掛個勇字。
收好你張活頁紙，如果唔係就會好容易整唔見。
電視節目有好多種，不過唔係個個節目都啱小朋友自己收睇。
佢譯得好差，啲翻譯仲難明過原文。
佢哋兩公婆好恩愛㗎，間中耍吓花槍啫。
佢老公成日唔返屋企，所以佢同我訴苦。
老師喺處理學生嘅情緒問題嘅時候要非常小心。
咁多人參加呢個活動，一定入到健力士啦！
政府搞市區重建，下令呢條街嘅舖頭十日內要搬遷。
政府近期致力改善少數民族嘅語文教育。
主題公園係深受歡迎嘅旅遊景點。
咁熱嘅天氣飲杯冰水，成身涼浸浸。
佢兩兄弟一個動一個靜，性格完全格格不入。
我今日參加咗個工作坊，學識咗寫大字。
疫情預計三月見頂，之後先會好轉。
我部錢七咁嘅死款，應該冇人會偷啩。
呢幾年我近視加深咗，要換過副新眼鏡。
佢嘅工作表現出色，好快就升咗職做經理。
個dom呢？冇dom我唔做㗎。
雖然佢已經三十歲，但係仲係大唔透噉，鍾意玩啲細路遊戲。
天氣乾燥，要搽啲乳霜滋潤下皮膚。
考生有幾分鐘時間組織發言內容。
聽聞瞓前聽古典音樂可以幫助入夢。
呢個單位好猛鬼，所以長期空置。
呢本百科全書介紹咗好多有關昆蟲嘅嘢。
佢嫌自己對眼太細，次次都會P相美化自己。
班行家仲摸緊呢間新網媒究竟咩底。
你叫我幫手嗰個project，都八八九九喇。
我中學嘅時候有讀過會計，而家已經唔記得晒。
一切都係佢杜撰出嚟，我冇殺過人！
你諗清楚先至做啊，可能有人暗算你㗎。
我唔識英文foot嘅複數係乜。
好多人搭地鐵鐘意憑住道門隔籬塊玻璃。
如果你女朋友俾人鹹濕，你會點做？
我過去十年都有做義工，從中得到好多寶貴嘅經驗。
佢好鍾意攞人弱點脅迫人幫佢做犯法嘢。
呢啲遊牧民族驍勇善戰，大敗中原軍隊。
佢當你係觀音兵咋，等你仲成日幫佢整電腦乘機接近佢。
性格開朗，成日笑嘅人係好受歡迎。
我嚟做一次醜人，同班伙記講要減人工啦。
身為member，我覺得唔應該自己都睇唔起member。
天才係百分之1嘅靈感同百分之99嘅汗水。
今年上半年嘅搶劫罪案數字比去年同期上升咗百分之七。
求先我差啲跌爛個花樽，好彩你眼明手快接住咗。
你寒底呀，要食多啲温熱嘅嘢先得㗎。
講咗唔關我事㗎啦，你黑我面都冇用㗎喎。
呢啲事好平常啫，唔使大驚小怪。
以前用modem上網，一俾人拎起個電話，就會斷線㗎喇。
如果大家冇異議，就咁決定㗎喇。
我哋要互相扶持，先可以渡過呢次難關。
喺工業革命嗰陣有飛蛾品種喺幾代之間變咗色－進化到適應到佢哋個新環境。
好多家長都覺得珠心算可以令到小朋友計數計得快啲。
因對方守門員瞓身飛撲，我哋前鋒嘅皇牌射門都入唔到球。
公園啲花顏色好鮮豔，靚到我好想摘一朵帶走。
依家好多人炒樓，搞到樓價高企。
噪音會令人心情煩躁，進而影響睡眠質素。
因工受傷嘅員工要按勞工法例賠償。
佢邊有畀人擺上枱啊？係佢掉返轉頭擺我上枱啊。
今晚中秋，好多人做節，啲酒樓好爆。
2嘅平方，就係2乘以2，即係4。
我要企上張凳仔先夠高放個喼上衣櫃頂。
我落咗小巴喇，喺村公所，你門牌幾多號呀？
高官生日會爆疫，出席者全部都要隔離。
我聽日出show喎，你嚟唔嚟啊？
你又唔返學，又唔做嘢，日日瞓喺張牀咁，終日渾渾噩噩咁，似咩樣？
佢上訴得直，終審法院推翻原先嘅判決。
有好幾部悲情電影都係以天水圍做背景。
佢以為贏咗開始減速，臨尾被對手爬頭衝線。
狼人成日喺西方嘅奇幻故仔出場。
要咁多張信用卡做咩啊？唔使啦。
開心嘅時間過得特別快，佢哋新婚蜜月期眨吓眼就過咗。
展覽有略略介紹古時嘅十八般兵器。
甲：「你凍唔凍？」乙：「有啲啦。」
佢兩兄弟成日狗咬狗骨。個阿哥成年先去老人院探佢阿媽一次，一時唔偷雞就做保長，話個細佬不孝。
你cap咗佢圖又擺上網，咁佢梗係知啦。
今日隻股票賺咗兩個開，嚿錢由一萬變咗三萬。
佢同你咁好朋友，唔會嬲你咁耐嘅。
只要你肯努力，一定可以成功嘅。
你想揾魚乾？乾貨區喺前面轉左呀！
佢份人冇咩諗法，淨係識得執人口水尾。
隻抽？你都癡線嘅，梗係圍毆㗎啦！
你就原諒佢今次嘅無心之失啦，我諗佢唔會再有下次架喇。
個麻煩同事終於俾老細炒咗，真係痛快。
佢諗住串人，點知原來自己係錯嘅，真係出晒洋相喇。
你噉樣開天索價，邊會有人肯買。
份文件做好㗎啦，唔會再有任何郁動。
阿爸好忙，成日要出差，但係每次佢都會買手信畀我哋。
家長應該盡量對小朋友保持寬容嘅態度，避免以負面嘅溝通方式對待。
每日練習靜觀可以令你內心變得平靜。
呢度裝修咁豪華、啲嘢又好食，真係五星級嘅享受啊！
呢間百貨公司啲貨好齊，選擇繁多。
安安同佳佳係世界上最老嘅熊貓。
雅虎因為流動資金不足，需要發債融資。
閣揆向君主提出解散國會，舉行大選。
落莊之後我會多好多時間，諗住揾啲part-time做下。
為病人施救，係我哋做醫生嘅天職。
可唔可以喺工具箱度拎個鉗俾我？
我間U個can屌打晒出面啲餐廳囉。
醜婦終須見家翁呀，你第一個考同最後考咪一樣。
我個茶杯成日唔洗，結果搞到有茶漬。
而家啲學生書包太重，好多孭到腰骨痛。
你住咁遠，每日來回車錢都唔少喎。
根據你嘅意願，大學安排你去日本交流。
部電腦成日hang機，點做嘢啊？
佢好健談㗎，同佢一齊唔會冇嘢講。
上次蝕嗮畀佢，今次我一定寸土必爭，同佢摙過。
現任總統大方噉承認競選失敗，並且移交權力。
你食過佢煮嘅餸，一定會讚不絕口。
佢俾女朋友飛咗冇耐就同你拍拖，擺明揾你做水泡啦！
佢覬覦老豆份身家，成日想佢早啲死。
圍村人通常喜慶嘅日子就會食盆菜。
澳洲大堡礁保育員曾經被喻為全球第一筍工。
今晚場波香港足球代表隊堅係勁揪！
個新設計我好俾心機做，包保你滿意！
你做一次統計學嘅「集群分析」，將高分嘅字歸納做一組，你會發現我哋腦入面過十萬個詞語，可以分做幾大堆。
呢套電影唔係太受歡迎，檔期唔會好長。
個神童好勁㗎！跑步讀書彈琴社交瓣瓣掂。
司機唔該先去油麻地跟住去旺角吖。
之前病房有病人惹到退伍軍人症，然後花灑水驗到隻退伍軍人桿菌，要成個供水系統消毒。
我好驚講英文，因為要load好耐先組織到自己想講嘅嘢。
唉，見佢孤苦伶仃咁可憐，又點捨得丟低佢響街度吖？
我住喺十八樓，管理員住喺地下。
邊度跌低就喺邊度企返起身，我哋失去咗嘅嘢要自己攞返。
啲員工四分五裂，你間公司好難搞得好。
我月尾一定還到錢㗎喇，唔係到時批個頭畀你當凳坐。
呢次活動搞唔搞得成係一個未知數。
佢開頭唔肯講啲同黨匿埋喺邊，最後都俾個差人chok咗出嚟。
你聽日過嚟我舖頭，我揾個夥記同你跟進下吖。
佢成日群埋啲賭徒，最後輸晒啲錢。
行高速公路，冇燈位，三個字就到。
我呢啲單身狗，過乜鬼情人節唧？
夠鐘茶市喇，一齊去執番幾件平點心。
呢個議員同大財團嘅關係簡直係千絲萬縷。
佢發現佢未婚夫不斷偷食，所以退婚。
佢報夢話我知佢喺下面好唔開心呀。
呢座樓面積好大，所以伙數特別多。
入咗大學就趁手揾返個女朋友啦。
阿松佢走去學人住hall，結果喺迎新營俾人玩到入咗醫院。
明仔因為啲乜乜乜原因，所以今晚唔來嚕。
呢個美國嘅地厘蛇果要十蚊一個。
佢係咪有咩心事？做咩成日揦埋口面？
我份工都幾清閒，好少要開OT。
佢滿心歡喜噉打扮，點知畀人放飛機。
我個仔正一大食漬嚟，我懷疑佢生蟲。
佢個個星期日都會去Starbucks打躉。
今日行咗六個鐘山，個人攰到散晒。
我用咗九牛二虎之力先拉得開道門。
佢今年十五歲啫。仲返緊學，未出嚟做嘢。
快啲到月尾出糧啦，我而家真係一窮如洗。
我實記住你冧巴port硬你啊！
我阿爸係做裁縫嘅，佢有個職業病，就係行親街都攞住人哋啲衫彈三彈四。
呢間舖搞緊夏季大減價，啲嘢真係好平。
警方破獲咗一個賣淫集團，仲捉埋個雞頭。
睇嚟佢真係好嬲你喎，今日完全當你隱形。
著鬆糕鞋嘅時候要小心啲唔好仆親啊！
你喺地盤畀啲鋅鐵鎅傷都唔睇醫生呀？小心破傷風喎。
我老細琴日過大海輸咗錢，今日返工無端白事畀佢鬧咗鑊甘嘅。
自己嘅風格先係自己最大嘅武器。
呢個係我同佢之間嘅事，旁人唔好理。
一粒方糖差唔多係一茶匙糖咁滯。
你等錢使就出聲啦，哥哥幫到嘅話一定幫。
我本護照過咗期，我唔可以同你一齊去旅行喇。
佢恃住自己名牌大學畢業，大把人請，就將自己吊高嚟賣。
有晒證據間公司都唔認錯，死雞撐飯蓋。
我哋見咗咁多個人，佢喺經驗方面真係佔盡上風。
佢響台上面唔知係咪壓力大，脱晒稿。
物流業可以充分發揮香港既有優勢，創造好多就業機會。
個男仔想快啲結婚，但係女方唔係咁諗。
受清拆影響嘅居民，須符合資格，先可獲安置入住公屋。
張飛買錯咗，要去詢問處補飛先得。
編纂粵語字典係一件艱巨嘅任務。
佢坐喺度冇嘢做就會對入嚟嘅人評頭品足。
成日見佢哋好似好煙韌噉，估唔到原來成日嗌交。
重播受歡迎嘅劇集係電視台一貫嘅做法。
佢諗佢老公重係愛自己嘅，但係其實佢欺騙緊自己。
呢兩幅畫鍘角咁擺會出現一個特別圖案，好得意㗎。
公司呢排搞咗個慈善晚會省招牌。
佢見股市升就有風駛盡𢃇，買咗勁多。
佢哋唔服法庭嘅裁決，準備上訴。
你應該鼓起勇氣去面對呢場比賽。
你同阿明咁夾得埋，唔做情侶都做個朋友吖。
佢考試唔合格，覺得對佢嘅父母唔住。
估唔到做廚炒餸都會網球肘，仲要做物理治療。
我部電話啲電用得好快，出親街一定要帶尿袋。
公司唔畀用老翻，捉到會畀人拉㗎。
「嗰個人乜都一板一眼，好似係強迫症！」「可能只係強迫型性格啫。」
全個行業都面對住需求萎縮嘅困境。
我喺度促請警方公開涉嫌毆打疑犯嘅警員嘅資料。
我生日唔使買蛋糕喇，甜耶耶，有乜好食唧。
佢瞓醒唔該你叫佢打電話俾我啦。
考咗成個月，個公開試終於完結咗。
佢嘅病情每況愈下，可能就嚟唔得......
佢嗰陣拍晒心口咁話會還錢，而家連影都無隻。
有啲人咩都要批評一餐，冇嘢都要揾嘢嚟抽秤。
我哋個部門係得咁多資源，你班友要睇餸食飯喇！
佢咁耐都揾唔到工，搞到個人意志消沉晒。
你喺人哋面前講人壞話唔啱架喎。
我哋電視台搶先為你報道最新消息，請繼續留意收睇。
而家放工時間，唔好企喺度等人塞住晒啲人流啦。
我唔求大富大貴，豐衣足食就夠。
喺案發當時，我嘅當事人有不在場證明。
佢哋喺邊境把關，防止黑幫進行走私活動。
過兩個月先考試，hea下先啦。
又踩到「黃金」，今日真係衰到貼地！
物理係我最喜歡同感興趣嘅科目。
消防員通宵灌救，避免山火波及附近嘅民居。
啲衫淨係用條繩掕住，好唔穩陣。
啲學生都唔聽教聽話，激死老師。
個先生一時火遮眼打咗個學生一巴。
佢努力咗三年都考唔入嗰間大公司，實在覺得心有不甘。
「咦，乜咁錯蕩啊？」「哦，我嚟揾阿晴嘅。」
個戲名其實有玩食字，要用廣東話讀出嚟先至明㗎！
唔好再成日無啦啦彈出嚟，會嚇親人㗎。
呢本書真係好好賣，今次已經係第五次再版。
典禮完咗之後，我哋準備咗啲茶點俾大家享用。
你坐喺度做咩唧，幫手諗吓計啦！
警方已經包圍呢度，你都係束手就擒啦。
呢個總統喺賓州嘅民意搖擺不定。
部收音機好豆泥，只係買咗三日就壞咗喇。
賭仔成日覺得：「呢鋪輸啫，下鋪就返嚟啦！」
喺好多地方，殺咗人會被判死刑。
佢哋聽到個消息之後都不禁喊起上嚟。
去咗旅行一排，信箱堆積咗好多信。
啲學校係都要定時定候換季，依家時熱時凍都唔知點算。
船上面有乘客暈船唔舒服，有冇識急救嘅人可以幫手呀？
你望住個海自言自語講啲乜嘢啊？
對唔住，我趕緊時間，第日再傾啦。
呢個地方好混雜，去嗰度要小心啲。
佢哋拍完戲對對方了解多咗，先開始拍拖啫，唔算戲假情真。
我哋細個嗰時好好㗎，不過大個之後就疏遠咗。
哲學本身喺一開始根本並無價值。佢嘅價值係由研究佢嘅人所創造嘅。
幾間大公司請佢，佢都推咗，自己開公司做。
好彩個病人對病毒呈陰性反應，如果唔係香港又可能爆發疫症喇。
佢唔識煮嘢㗎，佢一定搞到個廚房一鑊粥。
阿哥，點解你唔帶女朋友返嚟嘅？
我舊年先嚟香港，起初我唔習慣呢度嘅生活，而家冇問題喇！
佢喺孤兒院長大，對自己嘅身世一無所知。
世界上第一個試管嬰兒係喺英國出世。
我燒多啲金銀衣紙俾你，等你響下面住得安安樂樂啦。
呢個改卷員俾分好手鬆，好易攞A㗎。
匹馬呢期當打，買佢做膽實無甩拖。
佢覺得呢個故事好好，所以先為佢開戲。
每年呢間小學外牆上面嘅壁畫都唔同款。
想當年，你阿媽含辛茹苦湊大你。
佢好似生左好多暗瘡，所以唔肯露面。
妳小心啲佢呀，佢唔係好人嚟㗎。
上頭一聲令下，先前再企硬都要收回成命。
不如你留一留contact畀我？
我聽日冇嘢做，你可唔可以過嚟陪我呀？
我哋趕時間，唔該即刻落單要一個套餐吖！
暑假嗰時，我哋校隊喺學校集訓咗兩個月。
佢先第一日番工，生手係正常嘅。
今朝架火車好多人，我唯有夾硬逼入去。
我件恤衫甩咗粒鈕，你可唔可以幫我釘返上去呀？
佢已經唔係經理喇，噚日啱啱降咗級。
我拉咗佢衫領一下啫，使唔使告我襲擊罪呀？
做得香江四大才子一定有番咁上下才智。
我哋成唔成功，就取決於大家嘅努力喇。
你頭先講得咁大聲，佢唔知我哋講緊佢就奇。
「食唔食朱古力餅？」「唔喇。」「唓，唔要罷就。」
我哋所有嘅籌備工作都係白做，因為局長取消咗嚟我哋學校參觀。
你對眼水汪汪噉望住我都唔會可憐你㗎。
超，條友都冇料到嘅，遊戲規則都未識，唔駛同佢玩啦，盞嘥時間。
人類暫時未發現到可靠嘅地震預兆。
佢啲朋友都知佢係路癡，多數都會約佢喺佢屋企樓下等。
個颱風喺東面吹嚟，西貢、柴灣嗰邊會好扯風。
佢成日揾我著數，食飯埋單次次都話自己唔記得帶銀包叫我找左數先，之後無一次會俾返錢我。
呢啲嘢公家㗎，唔好據為己有啊。
佢係座古老石山嚟，死都唔肯買手提電話。
響人類文明演進歷程中，馬匹就由奢侈品變成日常家畜，去到而家又回歸本位。
兩班黑幫人馬竟然光天化日喺旺角火拼。
出面狂風暴雨，街上面啲行人寸步難行。
我見個個都未走咯，我咪繼續做嘢囉。
佢嘅表演令到成個劇院都充滿笑聲。
佢份計劃書做得好差，淨係將以前用過嘅橋炒埋一碟。
今個星期天氣忽冷忽熱，要小心身體唔好攝親呀！
今晚要開OT，飲番杯咖啡提吓神先。
蕭生真係燈神嚟㗎，十年嚟冇一次估中。
呢個發展計劃因為各方阻力而流產。
元朝施行暴政，最終俾人民推翻。
如果你去體驗下冇電話、電視嘅原始生活，就知而家生活有幾方便。
民宿嘅主人煮咗好多嘢食俾我哋。佢咁熱情我哋真係受寵若驚啊。
佢哋雖然離咗婚好多年，但係仲保持住一個良好嘅關係。
佢為咗幫細妹醫病走去偷錢呢個行為雖然犯法，但都算合情理。
我哋人微言輕，就算講出嚟都改變唔到啲咩。
佢兩夫婦都好好客㗎，時時請朋友返屋企坐嘅。
打仗同捉棋一樣，都係要先發制人。
佢日日煲日劇，日子有功，佢唔使睇字幕。
佢倒瀉墨水，將錯就錯就畫咗呢幅畫喇。
呢個韓國歌手第一次喺香港電視亮相，就已經好受歡迎。
十分鐘後喺大堂開briefing。
呢間好出名嘅餐廳啲嘢好好食，唔係浪得虛名。
細個嗰陣覺得爸爸好犀利㗎，乜都識做，可以飛天遁地咁款。
你大佬終日無所事事，流離浪蕩噉過日辰，又唔揾嘢做。
估咗咁耐，個答案都呼之欲出喇！
佢份人好摺㗎，淨係蒲拉把㗎咋。
你鍾意邊條裙啊？呢條定係嗰條啊？
公民社會非常關注近來政府連番侵害人權。
做人應該不恥下問，有咩問清楚。
爸爸喺生意上受挫之後，就冇再創業。
大埔公路去上水，近沙田馬場快線有交通意外。
啲人最怕整濕把遮，死都要行樓底。
呢件嘢幾有用，收歸國有啦，支持一帶一路發展啊。
嗰個有錢女？我當佢係踏腳石咋，唔會同佢結婚。
佢演藝精湛，演咩角色都活靈活現。
快啲出去！個黃阿姨又嚟查房喇。
佢喺呢度一個人都唔識，俾我都一聲不響坐埋一邊啦。
喺屋企電視機面前嘅樂迷都可以用電話投票㗎。
喺路邊種多啲樹可以提供一個綠色屏障。
有研究指出，餵牛食海藻可以減低温室氣體排放。
我要即刻食嘢喇，真係餓到一個點囉！
聽日個游泳比賽之前，你記得做足熱身。
你唔係有女朋友喇咩？仲喺度flirt女？
火牛唔多夠力，部電腦行得唔夠順。
佢係大學公認嘅美女，周圍都係佢啲追求者。
香港主權喺一九九七年由英國移交畀中國。
你將啲紙剪到碎濕濕咁，點用呀？
防空洞就係空襲嗰陣時嘅避難所。
呢份工我唔係咁鐘意，不過當係騎牛揾馬，做住先啦。
生物學家嘅工作之一就係區分唔同物種。
而家每個月都有萬鬆啲收入噉啦。
我真係想像唔到你會做埋啲咁骨痺嘅嘢。
同時處理咁多壇嘢，你一個人掂唔掂㗎？
佢上網講錯嘢，公司冇出警告信直接炒咗佢。
落雨嘅時候行萬里長城會好易跌親。
要管理好一間公司，僱主同員工必須有良好嘅溝通。
我第一次揾人裝修，可唔可以幫手睇睇張報價單呀？
政府派錢有咩值得開心唧？羊毛出自羊身上，咪又用返納税人啲錢！
佢全靠巴結上司先至升到而家呢個位咋。
你呢個見利忘義嘅小人，居然為咗錢出賣我？
政府斷網，阻止示威者互相聯絡。
你年紀都唔細喇，揾返個伴互相照應啦。
樓下而家有人喺度義賣，你快啲落去睇下有咩平嘢啦。
小美知悉公司裁員嘅消息之後，擔心到食唔落飯。
唔好意思，佢開緊會，我請佢打返俾你吖！
有啲人唔係隨口噏，而係真係會一直喺你身邊一直撐你。
散會之後，大家各自返到自己嘅工作崗位。
搭車要警惕，唔好比賊仔有機可乘。
做義工真係好好玩，希望大家一齊參與仔。
呢個病唔使食藥嘅，休息一兩日自然會好㗎喇。
個市跌咗咁多，再唔斬倉就破產喇。
你係哥哥，讓下細佬唔好同佢爭玩具啦。
佢睇完《古惑仔》電影之後，有一份江湖情。
佢黑口黑面，好似嬲咗全世界噉。
客隊一拎到波，主場球迷就即刻噓佢哋。
佢份人好有責任感，係班長嘅理想人選。
我唔明點解碧螺春會出名，佢隻味好怪。
傳統印刷媒體好難贏到資訊電子化嘅大氣候。
個大使館嘅門外面有大批士兵喺度看守住。
你淨係食菜同飯，又唔食啲蛋呀肉呀豆類嗰啲，唔夠蛋白質噃。
散裝水一支五蚊，一箱十二支水四十五蚊。